Tokante nos

Lukas 15:4 ‘’Si un di boso tin 100 karné, anto e pèrdè un, akaso e no ta laga e 99 karnénan nan so patras den mondi, pa bai buska esun pèrdí te ora e hañ’é?5 Ora e hañ’é, e ta pon’é kontentu riba su skouder 6 i ora e yega kas, e ta yama su amigu- i bisiñanan i bisa nan: ‘Komparti mi legria; mi a haña mi karné pérdí!’ 7 Mi ta bisa boso: asina lo tin mas alegria den shelu pa ún pekador ku kombertí ku pa 99 hende hustu ku no tin mester di kombertí.

Radio Dios su grandesa su meta ta pa trese E palabra di Dios na almanan rònt mundu. Pa medio di e radio aki e oyentenan por sera konosí ku Kristu-Hesus, E Yu di Dios. Pasobra Dios a stima mundu asina tantu ku El a duna su úniko Yu, pa tur esnan ku pone konfiansa den djE no bai pèrdí ma haña bida eterno. Dios no a manda su Yu den mundu pa kondená mundu, ma pa salba mundu pa medio di djE. Pabo por tuma parti na e salbashon aki bo mester proklamá kubo boka ku Kristu ta Señor i den bo kurason bo mester kere ku Dios a lanté for di morto. Tambe bo meser aseptá Kristu den bo bida i biba konforme Dios su boluntat.

Pa medio di un programashon varía nos di radio Dios su grandesa ke pa un i tur sa ku Dios ta stima kada un di nos i ku Kristu-Hesus a muri pa nos tur. Maske pruebanan i situashonnan difisil presentá nos ke enkurashá e oyentenan pa nan keda perseverá te na final. Na mundu hende ta pasa den tribulashon pero Kristu ta bisa nos pa nos tene kurashi paso E a derotá mundu kaba. Mei mei dibo problema òf situashon bo mester keda konfia Dios. Nos úniko forsa ta sintá den keda kalmu i konfia den Dios.